Hier is ons by Opstal, ons het gaan lunch nadat ons by Slanghoek gaan wyn maak het. Nie regtig wyn maak nie, hulle gee vir jou 3 kultivars en dan meng jy dit totdat dit vir jou lekker proe. 
Ons is Saterdag na die Old Biscuit Mill toe, dis soos die nuwe uithang plek vir Kapenaars. 'n Glorified vlooimark, ag maar dis iets om te doen op 'n Saterdag. Daarna is ons Wembley Square toe, na Sinn's toe. Wonderlike lekkergoed gehad, ai ai ai... yum!
Sondag is ons na 'n kaas-fees toe tussen Franschhoek en Stellenbosch, Bien Donne. Dit was awesome. Mense het met hulle piekniek mandjies daar aangekom, reg vir 'n lekker kuier. Nataniel het ook sommer opgetree, gewys hoe maklik hy dit kan laat lyk om 'n paar gereggies voor te sit (daar was 7de laan karakters ook wat shows gehad het). Daar is baie om te proe, te drink en te eet. Dit was baie lekker.
Maandag het ons Tafelberg uitgeklim van Kirstenbosch af, Skeleton Gorge. Dis die fotos hier onder. My ma en Steffie kan nie kom kuier sonder om iets wat my in pyn gaan laat wees die volgende dag te doen nie.
Dit was baie lekker, ek het regtig nie gedink ek sal dit tot bo maak nie, maar ek het! En dit was regtig die moeite werd.
Die fotos begin waar ons onder in Kirstenbosch is en boontoe loop.
Al klaar moeg :)
Soos wat dit styler raak is daar lere wat jou help.
Hierdie fotos is van bo af.
Nice view!
