Corne & Kampsbaai 28 Nov 09

Saterdag het ek en Corne Kampsbaai se strand aangepak. (Johan het gewerk). Dit was 'n wonderlike dag, baie warm. Ons het op die strand 'n sambreel gehuur vir R25, anders sou ons seker bloedrooi en seer gebrand het. Ek het geswem in die koue see! Wel, vir altesaam 20 sekondes was ek in die see.



Ons het 16:30 Houtbaai toe gery, en op pad terug verby Twaalf Apostels sien ons 'n troue aan die gang. Die "ouma Winnie" in my wil toe stop en gaan kyk. Arme Corne stop toe maar die kar en ek en hy is toe uit en gaan loer wat aangaan.
Dis die troue se view.

En daar is die troue, die girl in pienk is die bruid. Pienk, ja.

Houtbaai Vrydag 27 Nov 09

Na 'n verskriklike week vir my en Johan het ons Vrydag na werk bietjie strand toe gegaan in Houtbaai. Dit was lekker warm en baie relaxing om op die strand te loop saam al die mense en hulle honde. Hier is dit so 19:00.
Jeanne en haar masiewe brille...

Na Houtbaai is ons Chapmans Peak toe, want die pas is nou weer oop! Dit was so mooi om daar deur te ry. Dit was Johan se eerste keer, ek het jare laas daar deur gery. Dis noggals duur, die tolgeld is R28 one way. Ons het Ou Kaapse weg huis toe gevat.

Jani se matriekafskeid

Wow, kyk hoe mooi lyk my niggie! Hierdie post is seker bietjie laat, sy maak more klaar met eind-eksamen. Ek het 'n groot deel van vandag gesit op facebook, gekyk na al haar fotos van haar matriekafskeid. Daar was lekker baie. Het erg baie verlang en het gewens ek was daar.

94.7 Cycle Challenge 15 Nov 09

My ma, Xander, Steffie, Berni en Niel het die 94.7 gery in JHB die naweek en almal het dit klaar gemaak. Hier pose hulle saam met Lizelle (miskien gaan sy en Thys ook die race volgende jaar aanpak!) Nog 'n oulike foto, maar wat my aandag getrek het is die dude in die agtergrond, kyk sy war-scars! Eina! (click op die foto om dit te vergroot)

My ma het so 3 ure 50 minute gery aan die amper 100km. Ugh.

More Mingo Lamberti shirts!!

Just look at these fab shirts! Its the Death range by Mingo Lamberti.

Hermanus 14 & 15 Nov 2009

Kyk net hoe naby is die walvisse hier! Dit was amazing om te sien. Sebs en Carolyn het by ons oorgeslaap Donderdagaand, en is toe Vrydag Hermanus toe. Ek en Johan het Saterdag 14 Nov vir hulle gaan kuier. Die weer was lekker gewees Saterdag, net baie winderig. Ons het so baie walvisse gesien, dit was amazing. Johan het hierdie fotos geneem...

Saterdag 26 September 2009

Saterdag het ons af geskop by 'n wynplaas waar my pa al lank al 'n draai wou gaan maak het, Diemersdal. Dis baie mooi, soos al die wynplase, met baie lekker wyn. Die weer het net nie saam gespeel nie, dit was bietjie koud en reenerig.



Proe bietjie wyn... die ou wat vir ons die wyn laat proe het was baie nice, maar daar was so 'n strange meisie wat net daar gestaan het, regte EMO. Bietjie weird.




Na Diemersdal het ons afgekom op die locals se mark. Wow. Dit was lekker. Voor jy van die delicious vars tuisgebakte kos koop, kan jy van als proe. Hemel op aarde. Ek het dit baie geniet. Teen die tyd dat jy als geproe het, is jy so biejtie vol.




Nou dat ek daaraan dink het ek noggals baie geeet daai dag, want daarna is ons Lourensford toe, waar ons 12 maande oue en 6 maande oue cheddar geproe het en chocolates... mmmmh. Xander en my pa het wyn ook geproe.



Op jou verjaarsdag kan jy verniet op Tafelberg op gaan. Wel op 29 September is ek en my ma daar, ID in hand, maar toe waai die wind te erg... aaaaah

Fotos van Houtbaai. Hulle het 'n stukkie van Chapmans peak drive weer oopgemaak, miskien sal hulle een van die dae die hele pad oopmaak. Ek hoop so!

Sebs & ouers visit September 2009

Sebs het vir ons kom kuier, het Ads24 lekker gebruik! Ads24 het haar vir die Loeries gebring (die advertensie bedryf se awards), nadat sy hulle op haar kniee gesmeek het, (dankie Abi en Verona!) en toe kom sy sommer die hele naweek! Dit was wonderlik gewees om my Italian friend weer te sien.
Hier is ons in Houtbaai, het so bietjie op die strand gaan stap voordat ons Lookout Deck toe is.


Ek en Sebs was een keer al saam by Lookout Deck gewees, toe ek die trip Kampsbaai toe gewen het, Twelve Apostels toe. Ons eet prawns, mmmh yum!


Ek en Johan het my ouers by Paternoster ontmoet, hulle het 'n hele roadtrip gemaak van die vakansie. Hulle het een aand by die Augrabiese (help! hoe spel mens dit?) watervalle geslaap en een aand in Lambertsbaai (blykbaar nie great nie want die mense van Lambertsbaai hou daarvan om te partytjie). Hier is ons by Groote Post naby Darling. Ons het lekker verdwaal oppad soontoe.


Terwyl ons besig was om te verdwaal oppad Groote Post toe (let wel, ons het met 2 karre gery, elkeen met 2 verskillende soorte GPS... moet nooit die goed vertrou nie) klim ek toe uit op 'n stadium en gaan hoor by my familie of hulle 'n clue het waar ons is. Klim toe weer in die kar en ry, en ek sien daar is 'n veer of 'n ding op my knie. Ek vee hom toe amper so af met my hand, en besef gelukkig voor dit dat dit 'n HUGE brandwurm is! ROOI BRANDWURM! Gevaar! Freak toe heeltemal uit, Johan rol amper die kar, gelukkig was Steffie daar. Die koel en kalm een haal die brandwurm af (op een of ander manier sonder om aan hom te raak) en gooi hom by die venster uit. Volgende dag juk my been noggals lekker erg, al het ek 'n langbroek aangehad en die ding het nooit op my vel gekom nie. En soos die dae aangaan raak die rash erger. Dis darm nou al weg, maar ek weet nie of ek weer Groote Post toe sal gaan nie.

aaah kyk die lammetjies...

Xander het vir die Lasek operasie gegaan!

Shame, moenie vir my kwaad wees dat ek die pic opgesit het nie! Ek het een van myself ook opgesit...
Baie scary operasie, jy is heeltemal wakker deur die hele ding. Hulle het vir my net 'n klein kalmeer pilletjie gegee voor die tyd! Ek het April 2008 gegaan (ek dog dit was in 2007). Wat regtig unbelievable is, is dat jy dadelik 'n verskil kan agter kom! Suuuuper weird!

Ek lyk soos 'n vrugte-vlieg met 'n baard... LOL

T-shirts van Mingo Lamberti

Hier is 2 pics van die awesome t-shirts. Luuuuuve it! Myne!

Tannie Ezette en oom Paul kom kuier! 4-6 Sept 09

Johan se ma en pa het vir ons kom kuier! (ook met die kulula-special waarmee Chap en Este gekom het!) Dit was wonderlik om hulle te sien, maar ongelukkig het Johan 'n bietjie verkouerig gevoel, en nie baie wyn "geproe" die naweek nie.


Eerste stop was by Fairview by the Goatshed, ons was veronderstel om ontbyt daar te gegeeet het, maar was 10 minute laat vir ontbyt... Alle restaurante moet eintlik ontbyt die hele dag beskikbaar maak! Hoekom nie? Dis nie asof die eiers verdwyn en die panne wegraak nie.
In elk geval, ons brunch was toe baie lekker gewees.
Daarna het ons gaan wyn en kaas proe, en toe is ons weer gelukkig.


Na Fairview het ons Muratie toe gegaan en by Delheim gelunch.



My Mingo Lamberti t-shirt was ek gekoop het - ek dink dis baie cute, en Johan ook. (Daar is 'n wurm in die voeltjie se maag)



Soentjies en drukkies... Ek wonder of hulle ooit daardie vensters met die spinnerakke gaan was? Seker nie, dink nie hulle is al ooit gewas nie. In die agtergrond van die foto.



Daarna was ons Delheim toe, Muratie en Delheim is reg langs mekaar. Ons het nie nog wyn geproe nie, ek en tannie Ezette het koek geeet en oom Paul het viskoekies geeet.



Na die dag se verskriklik baie eet, het ons gaan rondloop in Franschhoek. Dis regtig baie mooi daar. Johan se dat baie van die land se beste restaurante in Franschhoek is.


Die Hugenote monument.


Ons was die aand na Haute Cabriere toe gegaan in Franschhoek. (op die internet spel mens Franschhoek met 2 h's maar dit lyk reg met een?).


Johan wat beplan om 'n baie ryk en bekende wynboer te word.